Ikteb lil:
Merħba lilkom fis-sit tagħna
Meta wieħed idur u jgħarrex madwar il-gżejjer tagħna, apparti t-tempji l-kbar, insibu wkoll ammont kbir ta’ kappelli u knejjes żgħar imxerdin ma’ Malta kollha. Wieħed isib dawn il-kappelli kemm fiċ-ċentri kif ukoll fit-truf ta’ l-irħula, fil-kampanja, u wkoll fl-inqas postijiet li tistenniehom bħal f’widien, għoljiet, f’għerien li mhux faċli tilħaqhom u saħansitra f’xifer l-irdum.
L-għan ta’ dan is-sit huwa li jagħti informazzjoni u jżid l-apprezzament ta’ dawn il-kappelli u knejjes żgħar. Sa ftit snin ilu konna naraw ħafna kappelli u knejjes tal-kampanja mitluqin, kważi waslu biex jaqgħu. Illum hawn moviment sħiħ ta’ restawr ta’ ħafna minnhom. Wieħed jieħu gost jara kappelli li wara li ġew restawrati, reġgħu ġew fl-istat oriġinali tagħhom. F’dan is-sit issibu informazzjoni fuqhom, xi leġġendi ħelwin li nsibu marbutin magħhom, kif ukoll ritratti li juru l-ġmiel, fis-sempliċità tagħhom.
Biex jgħina naslu għal dan l-għan, qiegħdin nagħmlu stħarriġ sempliċi tal-opinjoni tagħkom permezz ta' Poll kull tant żmien. Intom tistgħu tgħinuna billi tipparteċipaw regolarment f'dan l-istħarrig. Imbagħad, fuq ir-riżultati miksubin aħna nkunu nistgħu intejbu l-prodott li qed noffrulkom sabiex dan ikun aktar effettiv.
Nirringrazzjawkom bil-quddiem,
Id-Direzzjoni.
Bl-għajnuna ta’ ħafna ħbieb u kontributuri tagħna, tajnikom ħafna nformazjoni dwar il-kappelli matul dawl l-aħħar sentejn. Xi nformazzjoni, speċjalment dik viżiva, kienet ġdida jew mhux la kemm tiksibha. Issa qed nitolbukom tgħinuna ftit intom sabiex inkomplu għaddejjin b’dan il-proġett.
Qed insibu xi diffikultà biex inżuru xi kappelli. Għandna bżonn nagħmlu dan sabiex nagħmlu xi updates u żieda ta’ ritratti kif ukoll biex niġbru xi nformazzjoni oħra li qabżitilna meta żornihom għall-ewwel darba. Uħud minnhom għad lanqas kellna opportunità nżuruhom darba.
Jekk ir-retturi tagħhom jew min jieħu ħsiebhom jaċċettaw li jiftħuhomlna, jekk jogħġobhom jikkuntatjawna biex inkunu nistgħu nagħmlu appuntament magħhom jew għall-anqas jgħidulna meta jkunu miftuħin. Jekk xi ħadd mill-qarrejja jaf min hu/hija r-rettur ta’ dawn il-kappelli jekk jogħġobhom jinfurmawna wkoll u nieħdu ħsieb nagħmlu l-kuntatti aħna. Napprezzaw ħafna l-għajnuna tagħkom.
Biex tara l-lista sħiħa jekk jogħġbok agħfas hawn. Ibgħatu l-informazzjoni lill-Webmaster u iktbu l-kelma INFORMAZZJONI fis-subject line tal-email.
Ir-Rebbieħa tal-Kompetizzjoni
Il-kompetizzjoni issa għalqet u ntrebħet. Id-dettalji ta’ x’kellha tiġir r-risposta u ta’ min rebaħ il-kompetizzjoni ssibuhom hawn, fil-paġna tal-kompetizzjoni.
Insellu għalikom
Id-Direzzjoni
L-Għajnuna Tagħkom
L-aħħar tibdil sar
31 January 2010
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
Sit mibni minn
Noel Ciantar
© 2007, 2008, 2009
