Mat-Tokki ta' Qniepen Żgħar
Dan is-sit oriġinarjament inħoloq biex jikkumplimenta il-programm tar-radju "Mat-Tokki ta' Qniepen Żgħar", li kien jixxandar fuq l-istazzjon Radju Marija bejn is-snin 2007 u 2008. Il-programm kellu forma sempliċi: tagħrif dwar żewġ kappelli differenti u bejniethom kienet issir intervista lil xi perusna intiża fis-suġġett.
Kien hemm 12-il-programm fl-iskeda tal-Ħarifa tal-2007, 13-il programm fl-iskeda tax-xitwa 2007/2008 u 12-il programm ieħor fl-iskeda tar-Rebbiegħa 2008.
Il-kitbiet dwar il-kappelli, ma’ ħafna oħrajn u tagħrif ieħor relatat, issibuhom f’dan is-sit.
|
L-intervisti qed intellgħuhom hawn ‘dawn il-paġni bħala awdjo għax apparti li mhux faċli taqlibhom fi traskrizzjoni miktuba, dan itellef ħafna mill-ispirtu u l-ispontanjetà tal-intervista nnifisha. Kien hemm 28-il-persuna li tawna intervista – uħud minnhom għal aktar minn darba. Uħud oħrajn, fosthom Mikiel Spiteri magħruf bħala Kilin, m’għadhomx magħna.
Ma nistgħux ma ngħidux grazzi mill-qalb lil kull min għena b'xi mod jew ieħor. M'aħniex ser insemmuhom hawn iżda jissemmew b'isimhom fil-paġna tar-referenzi.
Ta’ min jgħid ukoll li r-rapport tal-Awtorità tax-Xandir li kien ikopri bejn Jannar u Marzu tal-2008 wera li l-programm "Mat-Tokki ta' Qniepen Żgħar" qed jinżel tajjeb ħafna mas-semmiegħa.
|
Wera li kellu udjenza ta’ madwar 6000 persuna li jfisser madwar wieħed kull ħamsa (20%) ta’ kull min kien qed jisma’ r-radju dak il-ħin tal-programm.
Ir-rapport sħiħ tas-Survey tal-Awtorita tax-Xandir jista' jitniżżel minn hawn: http://www.ba-malta.org/prdetails?id=124
Il-Programm "Mat-Tokki ta' Qniepen Żgħar" kellu Direzzjoni u Produzzjoni ta’ Joe Brincat u Roderick Busuttil.
|